A manta para bebés con proteína de leite gaña o Premio Nacional de Artesanía
A manta para bebés con proteína de leite gaña o Premio Nacional de Artesanía
A artesá textil Inés Rodríguez deseñou a manta para bebés con fibra de proteína de leite e la meiriña
A fabricación faina no seu taller de Allariz cun tear tradicional galego
Foi elexido o mellor produto de artesanía pola súa mestura de innovación e tradición
Unha manta para bebé, feita nun tear de Allariz con la meiriña e con fibra de proteína de leite, acaba de recibir o Premio Nacional de Artesanía na categoría de mellor produto. A súa deseñadora é a artesá Inés Rodríguez e inspirouse no cheiro do leite materno para crear unha peza única.
É unha peza artesanal elaborada cun tecido lento e que mestura a tradición do tear galego con materiais innovadores como a fibra de proteína caseica do leite.
É o resultado de máis de tres anos de investigación e unha aposta polo futuro da artesanía e o sector téxtil.
Para bordo da manta, feito á man, utiliza a la meiriña tinguida con tinturas naturais que saen da casca de cebola, as moras os a cenoria.
Agora despois de moitos pedidos Inés está rematando coas últimas encargas para o día de Reis. E xa proxecta facer tamén unha manta para adultos.
