Jessica Bouzas métese entre as cen mellores tenistas do mundo

Jessica Bouzas non puido alzar o cuarto trofeo da temporada. Perdeu a final do ITF W100 de Zaragoza. Logo dun torneo perfecto, en que non cedera ningún set, hoxe tocoulle caer en dúas mangas coa xaponesa Uchijima por 6-1 e 6-2.

Derrota clara que non frea a súa progresión. A arousá vai estar mañá, por primeira vez, entre as cen mellores do mundo, e ademais mantense na carreira por entrar nos Xogos Olímpicos.