O PSOE solicita comparecer nas dúas causas abertas na Audiciencia Nacional contra Víctor de Aldama

O PSOE solicitou comparecer nas causas abertas na Audiencia Nacional contra o conseguidor da trama Koldo, o empresario Víctor de Aldama, despois de que a semana pasada na súa declaración ante este tribunal dirixise diferentes acusacións contra o presidente do Goberno Pedro Sánchez e outros ministros e cargos do Partido Socialista.

En concreto, pediron comparecer no caso Koldo e a trama de hidrocarburos. En relación co caso Koldo, sobre os contratos de compra de máscaras durante a pandemia, e coa presunta fraude do IVE de hidrocarburos de máis de 180 millóns de euros.

Son casos que se instrúen nos xulgados centrais de instrución número dous e número cinco, ante "os graves feitos investigados" que poderían ser constitutivos de "delitos públicos", e pola "preocupación e a alarma social" xerada, presidindo "a actuación desta organización", co fin de contribuír a que se chegue a "coñecer a verdadeira realidade de todos eles" destas instrucións.

Acusacións populares no caso Koldo sinalaron que esperan que o maxistrado instrutor Ismael Moreno non atenda esta petición socialista.