"Bamba ten moita electricidade, vainos dar moitas cousas"
"Bamba ten moita electricidade, vainos dar moitas cousas"
O capitán Kevin Vázquez fala para a Televisión de Galicia do balance da pretemporada do proxecto liderado por Rafa Benítez
Unha voz autorizada no Celta é a de Kevin Vázquez. O canteirán é un dos capitáns e un dos homes fortes dentro do vestiario.
O de Nigrán falou especialmente ben dunha das novas incorporacións. Djo Bamba era o menos coñecido na liga española das novas fichaxes do Celta e Kevin quedou sorprendido: "Bamba é un gran xogador, ten moita electricidade, pode darnos moitas cousas. Está aprendendo castelán e integrándose moi ben".
As sensacións do novo Celta de Rafa Benítez están sendo moi boas no treito de preparación pero Kevin sabe que o importante chega a partir do domingo (17:00 horas) contra o Osasuna: "Gañamos moitos partidos, fixemos unha boa pretemporada pero non serve de nada si non o ratificamos na Liga. Estamos ben preparados e agora xa é a hora da verdade".
