'La sociedad de la nieve', de Juan Antonio Bayona, representará a España nos Óscar
'La sociedad de la nieve', de Juan Antonio Bayona, representará a España nos Óscar
O filme sobre a traxedia aérea dos Andes de 1972 tratará de lograr un sitio entre as candidatas a Mellor Película Internacional
La sociedad de la nieve, o filme de Juan Antonio Bayona sobre a traxedia aérea dos Andes de 1972, representará a España na 96 edición dos Premios Óscar, que se celebrarán o 10 de marzo de 2024, na categoría de Mellor Película Internacional.
A actriz Bárbara Lennie foi a encargada de ler este mércores o resultado da votación final dos membros da Academia de Cinema, que elixiron a película de Bayona fronte ás outras dúas finalistas.
As outras dúas cintas preseleccionadas polos académicos o pasado 7 de setembro foron 20.000 especies de abejas, ópera prima de Estíbaliz Urresola, e Cerrar los ojos, dirixida por Víctor Erice.
