'Matria' chega en galego a 60 cinemas de toda España
'Matria' chega en galego a 60 cinemas de toda España
O filme de Álvaro Gago convértese na maior estrea comercial en galego da historia
Nin o director Álvaro Gago podía esperar o percorrido que tería ‘Matria’, a súa curta do 2017. Agora, aquela Ramona, protagonista do filme e interpretada por Eulogia Chaves, transformouse en María Vázquez, e a curta ‘Matria’ transformouse nunha longametraxe.
‘Matria’ chega hoxe aos cines e poderá verse ata en 60 salas, o que a converte na película en versión orixinal galega cunha maior estrea comercial na historia, superando a ‘O que arde’.
O filme, con María Vázquez como protagonista, fala da historia de Ramona, unha muller dunha vila de Galicia, marcada pola súa vida laboral e os sacrificios pola súa filla, ata que descobre algo novo polo que vivir.
A historia de Ramona xa tivo o seu premio coa Biznaga de Prata como mellor actriz no Festival de Málaga para María Vázquez e tamén co seu paso pola Berlinale. Agora, esta película, participada pola Televisión de Galicia, chega aos cines de toda España.
