A área sanitaria de Santiago-A Barbanza roza os 8.000 casos activos

Os arredor de 1.300 novos positivos diagnosticados na área sanitaria Santiago-A Barbanza nas últimas 24 horas melloran levemente os datos de onte, cando se superaron os 1.500.
Porén o número de casos activos medra ata os 7.936. Unha evolución negativa que preocupa.

Malia o aumento de casos, a presión hospitalaria mantense. Hoxe hai 79 persoas ingresadas, 65 en planta, un menos ca onte, e 14 na UCI.

Unha situación que non afectará o xeito en que as familias xa tiñan previsto despedir o ano.

Unha noite para algúns, chea de esperanza e positivismo.

Confían en que a vacinación e o cumprimento das medidas permitan afrontar o inicio de ano con mellores datos.