A comunidade venezolana en Galicia tamén dubida dos resultados das eleccións no seu país
Moitos consideran o resultado electoral unha fraude e pídenlle ao pobo venelozano que non se renda
No consulado de Vigo o 96 por cento votaron polo cambio
A comunidade venezolana en Galicia non acepta o resultado electoral e anuncia mobilizacións de protesta.
Os residentes venezolanos de Galicia e Asturias pediron o cambio co seu voto no consulado de Vigo, onde o candidato opositor Edmundo González obtivo o apoio do 96 por cento do electorado. Con todo, denuncian as dificultades para inscribirse no proceso que impediron que miles de persoas puideran votar en España.
Sofren polos seus familiares no país e temen as consecuencias de que Nicolás Maduro continúe no poder.
Agardan o pronunciamento dos países democráticos e manteñen a esperanza de que se recoñeza a derrota de Maduro nos comicios.
