A cúpula policial premia o equipo que investigou o asasinato de Samuel Luiz

Sete integrantes do equipo de investigación do caso, o comisario, tres co rango de inspector ou inspectora xefe e dous inspectores e unha inspectora personificaron o recoñecemento ao grupo policial que investigou as circunstancias do asasinato. O mozo Samuel Luiz foi asasinado na Coruña en xullo de 2021 e as investigacións realizadas por este equipo da Policía levou á detención dos presuntos autores.

Un dos mandos distinguidos referíase á singularidade do traballo hoxe recoñecido.

"Lembramos a dificultade que tivo o caso pola presión dos medios que xerou, pero esa presión foi soportada polo xefe da brigada e deixarnos traballar de xeito hermético e illado á cápsula de investigación".

O equipo policial considera moi reconfortante a distinción recibida hoxe da cúpula da Policía Nacional, pero valora especialmente o recoñecemento que recibiron do pai de Samuel.

"Confiou en nós e finalmente veu á comisaría a agradecernos a todos nós o traballo ben feito e a satisfacción que tiña el porque a vida do seu fillo tivo sentido porque puido axudar dous cidadáns senegaleses que foran heroes ao tratar de mediar e hoxe xa tiñan unha vida mellor", di o inspector xefe Temprano Méndez.