A Festa da Empanada da Bandeira celebrou o seu tradicional concurso

Celebrouse na Bandeira o esperadísimo concurso de empanada. E, por primeira vez, tamén foi para os máis peques, que, como Antía, moitos son grandes cociñeiros.

Tras o concurso, foi a quenda da tradicional poxa das empanadas gañadoras.

E todos os cartos recadados doaranse á comisión de festas.

A pesar dos problemas ocasionados pola chuvia,  Cristina, a vicepresidenta da Asociación Amigos da Empanada, asegurounos que a festa está sendo un exitazo.

E aínda que só gañaron 3 por categoría, todas tiñan unha pinta incrible. O domingo a vila pecha a edición de festa deste ano 2023.