A final galega da 3RFEF xogarase no Anxo Carro

A final galega da 3RFEF que van xogar o Ourense C. F. e o Barco xogarase no Anxo Carro. O partido será o domingo ás 18:00 horas e poderá verse pola G2 e por G24. 

O Ourense derrotou na semifinal ao Fabril (1-0) e o Barco impúxose ao Somozas por 2-3. Tamén se barallou a posibilidade de que Monforte fose a sede ao ser un punto intermedio entre Ourense e O Barco de Valdeorras pero finalmente elixiuse un escenario no que se xoga a Liga de Fútbol Profesional. 

O gañador dese partido non ascenderá de categoría. Será o representante galego na eliminatoria definitiva na que se mesturarán os 18 grupos de Terceira e da que sairán 9 equipos que competirán na 2RFEF a vindeira temporada.