A nai dun dos gardas civís falecidos en Barbate: "O meu fillo mandárono nun flotador loitar contra unha narcolancha"
A nai dun dos gardas civís falecidos en Barbate: "O meu fillo mandárono nun flotador loitar contra unha narcolancha"
A nai dun dos gardas civís falecidos en Barbate: "O meu fillo mandárono nun flotador loitar contra unha narcolancha"
A familia do axente Miguel Ángel González denuncia falta de medios e pide que se depuren responsabilidades
Os seis tripulantes da narcolancha están en prisión, acusados de dous delitos de asasinato e catro de asasinato en grao de tentativa
O Goberno pecha filas co ministro Marlaska e descarta a súa saída
Francisca María Gómez, nai do falecido: "O meu fillo montárono nun flotador. Practicamente era un flotador contra unha narcolancha que o pasou rozando tres veces ata que lle pasou por riba".
É a denuncia que fai a nai de Miguel Ángel González, un dos gardas civís falecidos en Barbate. A familia do axente critica a precariedade dos medios cos que traballan na loita contra o narcotráfico.
Maika Gómez, tía do falecido, di: "Mandábano todos os días a unha morte segura... Que poñan medios, que isto non se repita e que non lle pase a ningún máis".
"El levaba a bandeira con moito orgullo, e España abandonouno, a el e os seus compañeiros", asegura Emilia Gómez, outra tía do garda civil falecido.
Os seis tripulantes da narcolancha levan xa 24 horas en prisión, acusados de dous delitos de asasinato e catro de asasinato en grao de tentativa.
O xuíz enviounos directamente ao cárcere tras tomarlles declaración. Á saída un grupo de persoas reinvindicaba a súa inocencia.
Entre eles está o piloto, alcumado o Cabra, un veterano traficante de drogas da Línea da Concepción con múltiples antecedentes. O ano pasado xa o detiveran por botar da calzada un coche da Policía Nacional durante unha fuxida.
