A praia das Catedrais, entre as mellores de España segundo unha revista de viaxes
A praia das Catedrais, entre as mellores de España segundo unha revista de viaxes
O recoñecemento final virá logo da votación dos lectores, e coñecerase o próximo día 23
A xente que visita o areal teme que este tipo de promocións masifiquen o lugar
Unha publicación especializada en viaxes sitúa a praia das Catedrais, en Ribadeo, entre as dez mellores de España. Serán os lectores cos seus votos os que decidan definitivamente o día 23 cal é o areal que merece o recoñecemento.
En Galicia, a resposta é unánime cando se cuestiona se merece figurar nesa listaxe. Recoñecido como Lugar de Interese Comunitario, cada vez recibe máis visitantes e a súa sona ameaza con se converter nun problema.
Aínda que no verán e Semana Santa o acceso á praia está controlado, a masificación é o principal reparo que lle atopa moita xente a este tipo de promocións. Sobre os seus encantos, hai bastante unanimidade.
