A suba dos produtos e da enerxía golpea a hostalería

Vigo comeza o verán con novas instalacións hoteleiras e con moitas ganas de gozar da vida, aínda que todo nos resulte máis caro.

Os máis castigados pola crise son os da restauración porque están afrontando constantes subas  de prezos na mercadoría e na enerxía e cústalles facer repercutir os custos na clientela.

Non saben canto tempo poderán aguantar así asumindo un constante incremento de prezos. Malia todo, o verán preséntase con boas expectativas. O gran temor no sector do aloxamento e da restauración é para a costa de setembro, xa que pasada a alegría das vacacións os prezos poderían seguir subindo e o gasto empezaría a reducirse.