A temporada de verán en Galicia superou as expectativas do sector turístico

Nunha entrevista no Bos días, o presidente do Clúster Turismo de Galicia fixo balance do verán que remata. Malia que as eleccións xerais ralentizaron o arranque da temporada, o balance é moi positivo.

"O mes de xuño non foi tan bo como esperabamos, pero empezamos a remontar en xullo. E no mes de agosto as cifras foron moi boas. Mesmo nalgunhas zonas do Salnés, como no concello de Sanxenxo, nas tres primeiras semanas de agosto tiveron unha ocupación de case o cen por cento", asegurou Cesáreo Pardal.

Tamén destacou o incremento de turistas internacionais, especialmente na provincia da Coruña.