A travesía de Sabarís en Baiona, cun novo aspecto despois da humanización en marcha

Xa está en marcha a última fase de humanización da travesía de Sabarís, en Baiona. Nunha visita á zona, a conselleira de Infraestruturas anunciou que van investir un millón oitocentos mil euros para completar o último treito, de algo máis dun quilómetro de lonxitude e que conectará coa ponte románica, zona de paso do Camiño portugués pola costa.

En xaneiro asinarán o convenio co Concello para comezar as obras.