Acendido en Ribadavia para converterse na vila de España que máis brille este Nadal

Competiron durante un mes, gañaron e hoxe recibiron a brillante recompensa. Falámoslles de Ribadavia, que xa acendeu o premio. Acendido, porque o premio eran as luces de Nadal.

Ribadavia gañou o concurso 'Xuntos brillamos máis' organizado por unha coñecida marca de bombóns e agora, ao proclamarse vencedor, convértese na vila que máis vai brillar este Nadal en toda España.

Os lugares máis emblemáticos da vila locen esa decoración especial. O castelo dos Condes, a Praza Maior, a Torre do Reloxo ou as rúas do barrio xudeu son algúns deses lugares.

Os veciños están encantados, e o alcalde estalles agradecido por como se mobilizaron para conseguir gañar o concurso.

Esta vitoria é unha oportunidade para amosar a todos os atractivos de Ribadavia.