Agolada, Corazón de Artesanía, festa dos oficios

Este venres inaugurábase nos Pendellos de Agolada unha nova edición do Encontro de Artesanía Tradicional e Popular de Galicia. A mostra, aberta ata o domingo, é toda unha panorámica polos produtos e deseños de 27 oficios diferentes.

Rematando a montaxe para tres días de intensa actividade no Corazón de Artesanía as sinerxias vólvese imprevisibles. Cerámica e cociña, viños e zocos moda e cestería. As relacións entre os 57 artesáns son unha das bases deste evento.

Un sector que se renova. Case a metade dos novos obradoiros son de artesáns menores de 40 anos. Para Alberto é o seu primeiro ano aquí, é a cuarta xeración de oleiros de Buño. El ve un futuro positivo.

Os novos e os sabios. Entre os veteranos, tres premios nacionais, testemuñas da evolución deste sector.

Estes días agardan público, pero tamén grandes firmas internacionais, coma Loewe, que visitan a feira.

A evolución pasa tamén pola inclusión. A asociación de familias con parálise cerebral de Vigo estrea marca na feira 'A casa rodante'.

Ademais da mostra, talleres, concertos e gastronomía ata o domingo no Corazón de Artesanía.