Alarma en Ferrol por unha vaga de roubos de combustible en vehículos

Preocupación entre os veciños de Ferrol por unha vaga de roubos de combustible en vehículos. O modus operandi é sempre o mesmo. Os ladróns actúan en coches que se atopan estacionados na rúa perforando a chapa para acceder ao depósito e extraer a gasolina.

"Se son o Concello poría cámaras, poderían disuadir de cometer actos delitivos", sinalaba un dos veciños da zona.  Xa hai unha investigación policial en marcha para dar cos autores destes roubos.