Alonso, a piques de lograr a tan desexada 33
Alonso, a piques de lograr a tan desexada 33
Gran segundo posto, no que se chegou a soñar coa vitoria ao final da carreira
Carreira de tolos nos Países Baixos pola meteoroloxía. Un ollo miraba o radar e o outro ás rodas. Na que os pilotos perdían por momentos a visibilidade, o control, chocaban e nin sequera eles a razón sabían...
Foi unha tortura para todos agás para un que sorría
O coche de Fernando Alonso voaba, rápido e fácil de conducir. Dicía. Como medra en situacións extremas. Así que cando arrancou a carreira co asfalto mollado e todos con pneumáticos brandos, de seco. Cando na terceira curva Alonso zampou por dentro a Albon e a Rusell, a carreira apuntou a gran día.
Unha volta despois Alonso confirmouno, pasou a Norris e colocouse segundo. Pero co paso das voltas, o tempo mellorou e os Red Bull tomaron o mando. Así foi ata as últimas voltas. Cando volveu chover. A esgalla.
Aí saíu Checo, que ía de segundo, e a organización decidiu deter a proba. Quedaban sete voltas.
Na resaída Verstappen non deu opción e Alonso acabou no segundo posto e coa volta rápida.
O de Aston Martin rematou entusiasmado e anunciando aos seus que están preto de comezar a gañar carreiras. Gasly foi o terceiro e Sainz acabou quinto.
