Ángeles Vázquez defende o proxecto e a transparencia do PPdeG

A conselleira de Medio Ambiente, Ángeles Vázquez, desprazouse a Mugardos para apoiar a presentación da lista dos populares nesta localidade, que encabeza o actual alcalde, Juan Domingo de Deus.

Vázquez destacou a importancia de que haxa candidaturas do PPdeG en todos e cada un dos municipios do país, acusou os socialistas galegos de pensar máis nos intereses de Pedro Sánchez que nos de Galicia e defendeu o proxecto de goberno popular, centrado en traballar polo benestar dos cidadáns.