Aparece un cadáver no interior dun colector de papel na Coruña

A Policía Nacional está a investigar o achado dun cadáver nun colector de papel e cartón na Coruña. O corpo foi localizado na mañá deste martes nas instalacións da empresa Utramic, na estrada de San Pedro de Visma, cando os operarios baleiraban un camión.

Agora investigase a súa procedencia, xa que o vehículo non só presta servizo no municipio da Coruña, senón tamén na súa área metropolitana.

Ata o lugar desprazáronse efectivos da Policía Nacional, que acordoaron a zona e abriron unha investigación para determinar as circunstancias do ocorrido.

A vítima é un home de 41 anos de orixe marroquí e que estaba en situación de mendicidade.