Presentan 12.000 sinaturas por unha lei de defensa do monte veciñal

A Organización Galega de Comunidades de Montes entregou esta mañá no Parlamento doce mil firmas para reclamar unha lei que defenda os montes veciñais. Xa presentaran a principios de ano unha iniciativa lexislativa popular.

Acusan a Consellería do Medio Rural de levar a cabo cambios normativos coa finalidade de privatizar os montes comunais para favorecer a industria madeireira, eólica ou mineira. 

A organización reclama que se recoñeza o monte veciñal como unha titularidade distinta, pero en igualdade coa pública e privada, e que se declaren os montes comunais como unha figura de protección medio ambienal e cultural en si mesma.