Cargando resultados...
Ata 20 graos de diferenza ente o día e a noite
Ata 20 graos de diferenza ente o día e a noite
Galicia rexistra estes días unha grande amplitude térmica
G24.gal
02/02/2024 14:31
Nove e media da mañá. Lugo semellaba unha cidade fantasma. A pecha néboa apenas deixa distinguir os viandantes e son os coches os que achegan algo de luz. Situación semellante a de Sarria. Os días amencen fríos e con temperaturas moi baixas.
Pero, conforme avanza a xornada, a cousa cambia. Hai que pensar a vestimenta diaria para saír á rúa.
En moitos concellos a amplitude térmica deixa diferenzas de ata 20 graos entre o día e a noite.
Na mesma zona de Lugo só catro horas despois loce o sol e pola rúa xa sobran os abrigos.
