Cargando resultados...
Atopan un corpo no interior dun coche retirado do fondo no porto de Tragove, en Cambados
Atopan un corpo no interior dun coche retirado do fondo no porto de Tragove, en Cambados
O vehículo, segundo as primeiras impresións, levaba tempo baixo a auga e sospéitase que o falecido podería ser un veciño da vila ao que se busca desde hai máis dun ano
G24.gal
25/10/2023 15:08
Un amplo dispositivo de emerxencias rescatou este mércores á mañá un coche afundido en augas do porto de Tragove, en Cambados, e no seu interior localizaron o corpo dunha persoa.
Os investigadores non descartan que o coche poida ser o de Fernando Durán Garrido, veciño de Cambados de 65 anos desaparecido hai máis dun ano.
Mergulladores da Garda Civil traballaron durante toda a mañá, inspeccionaron o coche no fondo e prepararon os medios para poder retirar o vehículo cun guindastre que se encargou de levalo da dársena.
