Aviso laranxa no litoral galego por ondas de ata oito metros de altura

Este domingo choveu, pero de forma menos persistente. As precipitacións cedéronllle o protagonismo ao vento, en terra e especialmente no mar. En toda a costa galega mantense activo un aviso laranxa por ondas que superan os oito metros de altura.

Durante a tarde foi remitindo o vento marítimo, que chegou a ser de forza sete. O día comezara ventoso e con chuvias intensas por mor dunha borrasca situada preto de Irlanda. A semana comezará sen precipitacións, pero a situación no mar seguirá sendo complicada.