Baeza non continuará no Celta

O xogador da canteira do Real Madrid, Miguel Baeza, non continuará no Celta tras alcanzar un acordo para a súa desvinculación no día de hoxe. Miguel Baeza sufriu moitas lesións, algunhas de gravidade, e as cesións tampouco axudaron ao mediocampista a gañarse un sitio no cadro celeste.

Miguel foi unha aposta da anterior directiva, mercado por 2,5 millóns e tan só un 50 % dos seus dereitos, pero non sempre as apostas saen ben. Miguel tan só xogou 23 partidos en 3 anos, anotando un gol contra o Granada na primeira tempada que xogou no Celta.