Bolaños insta o PP a que saia dunha oposición "destrutiva"

O ministro de Presidencia pediulle este sábado ao Partido Popular que faga "unha oposición construtiva" e que dialogue co Goberno nunha comisión de traballo.

Félix Bolaños acusou o PP de "non cumprir a Constitución" e de "desprestixiar a xustiza" por non facilitar a renovación do Consello Xeral do Poder Xudicial.

"O presidente do Goberno, Pedro Sánchez, propuxo unha comisión de traballo e o PP dixo coma sempre que non. Oposición destrutiva sempre, oposición construtiva nunca. Por que non quere o PP unha comisión de traballo? porque é para dialogar, porque é para pactar ou porque é para traballar? Emprazámolos a que senten nesa mesa con nós, a que falemos dos problemas dos cidadáns, a que non teñan medo a pactar, a falar co diferente, co PSOE. Temos moitas cousas que podemos facer xuntos, desde a renovación do Consello Xeral do Poder Xudicial ou o financiamento das comunidades autónomas".