Borrás, condenada a catro anos e medio de cadea
Borrás, condenada a catro anos e medio de cadea
A expresidenta do Parlament tamén estará 13 anos inhabilitada
A sentenza considera probado que adxudicou contratos a dedo a un amigo
Nada máis coñecerse a sentenza, Laura Borrás chegaba ao Parlament da man do seu home e da súa filla. Agardábana a plana maior de Junts, o expresidente da Generalitat Quim Torra e un cento de simpatizantes.
A expresidenta do Parlamento de Cataluña sostiña: "Esta sentenza non é firme nin xusta e non impedirá que siga traballando polo único obxectivo polo cal entrei en política, que é alcanzar a independencia de Cataluña".
O Tribunal Superior de Xustiza condenou a Borrás a catro anos e medio de cadea e a 13 de inhabilitación por adxudicar a dedo 18 contratos a un amigo cando estaba á fronte do Instituto das Letras Catalás.
Os xuíces explican que é a pena mínima que permite o Código Penal, pero admiten que é desproporcionada. Por iso, recoméndanlle ao Goberno que conceda un indulto parcial para evitar que entre na cadea.
Quim Torra pedía deixar vacante a presidencia da cámara: "Non podo imaxinar que ningún independentista poida asumir o cargo de presidente do Parlament despois desta sentenza", dicía o expresidente catalán.
A única reacción do Govern foi a da conselleira de Presidencia. A republicana Laura Vilagrá di que a sentenza acredita que a mala praxe non ten cabida nas institucións catalás.
