Cae unha rede que estafou millón e medio de euros a 200 persoas en España por Internet

Axentes da Policía Nacional desarticularon un grupo criminal que lle estafara millón e medio de euros a máis de 200 persoas en toda España. 

Dedicábanse á comisión de estafas a través de Internet, utilizando páxinas web fraudulentas ou ben a través da concesión de falsos préstamos. Os responsables da organización contaban con persoas que exercían de mulas no noso país, ás que mesmo chegaban a ameazar de morte para conseguir que fixesen o que lles mandaban.

Hai 45 detidos en toda España, varios deles nas provincias de Lugo e da Coruña. A investigación continúa aberta.