Calvos de Randín repite como o conxelador de Galicia, con -7,5 ºC
Calvos de Randín repite como o conxelador de Galicia, con -7,5 ºC
Esta foi a xornada con máis zonas baixo cero do ano na comunidade
Ás oito da mañá en Lugo os termómetros aínda rexistraban temperaturas baixo cero, despois doutra noite de intenso frío cunha mínima de menos catro.
Por segunda xornada consecutiva, a vila de Sarria, con seis baixo cero, marcou a mínima provincial e en Monforte a mínima foi de menos cinco."Isto é horrible", lamentaban os veciños.
Frío intenso tamén na provincia de Ourense, onde os valores están por baixo do que corresponde para a época do ano.
A mínima de Galicia volveuna rexistrar Calvos de Randín, na comarca da Limia, cuns xélidos menos sete graos e medio.
En Xinzo chegaron aos 7 baixo cero e na capital ás nove da mañá os termómetros aínda non recuperaran valores positivos."A verdade é que vai moitísimo frío, o coche dorme fóra e teño que acendelo media hora antes para que desconxele"
As previsións apuntan a unha mellora paulatina da situación nos próximos días.
