CC OO desconvoca a folga de autobuses prevista para este luns, pero segue a ameaza dun paro indefinido

CC OO desconvocou a folga xeral prevista para este luns 9 de decembro no sector dos autobuses urbanos, interurbanos e estatais en toda España para reivindicar a xubilación anticipada.

Segundo indica nunha circular, a organización sindical decidiu suspender o paro no transporte de viaxeiros por estrada para o que se estableceron uns servizos mínimos do 50 % a nivel estatal.

Sería a cuarta xornada das sete convocadas inicialmente, tras as que tiveron lugar o 28 de outubro e o 28 e 29 de novembro. O 11 de novembro tamén había pero cancelouse  polos efectos da DINA.

Porén, queda no aire a posibilidade de que siga adiante o paro indefinido convocado a partir do 23 de decembro, en plena campaña de nadal, se non se atenden as súas reivindicacións.

Nesta ocasión, a folga estaba secundada por CC OO, con máis do 40 % de representación no sector, e pola CXT.

A UXT e o SLT retiráronse tras asinar coas patronais (Confebús, Anetra e Atuc) un compromiso para pedirlle a xubilación anticipada ás administracións, unha vez entre en vigor un real decreto.