Concentración en Valadares en apoio a Yohanna, unha supervivente da violencia de xénero

Este luns celébrase o Día Internacional da Eliminación da Violencia contra a Muller. Con este motivo o novo movemento cidadán Vigo pola Igualdade organizou leu un manifesto en Valadares. Este barrio de Vigo foi escollido por este movemento para botar a andar porque de alí é Johanna, a muller de 36 anos que en setembro foi queimada supostamente pola súa exparella. Ao acto acudiron a familia e o avogado da vítima. 

Este acto adiántase ao 25 de novembro, o luns, e serve, segundo nos contan desde o movemento cidadán "Vigo pola igualdade", acabado de nacer, para rexeitar os asasinatos das mulleres a mans das súas parellas ou exparellas. A lectura do manifesto fíxose en Valadares como apoio a Yohanna unha supervivente da violencia de xénero que é de alí. De feito, no acto estaban a súa nai, a súa tía, amigos e o avogado e voceiro da familia da vítima. 

"Yohanna é unha persoa que me está dando unha lección de vida xa persoalmente. É impresionante o que che chega a dicir, 'mira estou viva'. E ademáis ten unha gran capacidade de resistencia, de resilencia ante todo o que lle pasou. Está desexando volver traballar, volver a esa cafetería que tiña, é todo un exemplo", conta a TVG Carlos Borrás, o avogado da familia de Yohanna.

 "Ofrecerlle un detalle á nai para que llo traslade a Yohanna para que saiba que estamos a carón dela e que toda a sociedade viguesa, toda a sociedade, está ao seu lado", explica Mariam García Míguez, a voceira de "Vigo pola Igualdade".

Yohanna, de 36 anos, foi agredida pola súa exparella, de 40, diante do domicilio da muller. Botoulle gasolina e prendeulle lume. Salvou a vida porque a súa familia a oíu berrar e sufocou as lapas con auga, cunha mangueira exterior da propiedade. Yohanna ten o 35 % do corpo quiemado. O seu agresor está acusado dun delito de tentativa de homicidio.