Cristóbal asegura estar "moi forte" na previa do partido do Molinón
Cristóbal asegura estar "moi forte" na previa do partido do Molinón
"Son unha persoa que non se rende e esa é a miña fortaleza"
Este domingo ás dúas da tarde o Rácing de Ferrol xoga en Xixón e sentirase un pouco na casa porque haberá moita afección racinguista no Molinón. Enfronte un Spórting de Xixón que ven de perder ante o que era o pechacancelas, o Cartaxena.
Non quere lamentos o Rácing que se atopa en postos de descenso. Por segunda semana consecutiva ten un rival asturiano trala goleada sufrida fronte ó Oviedo. Con todo, non hai signos de debilidade en Cristóbal.
O adestrador asegurou estar "moi forte" na previa do partido do Molinón. "Mentres estea vou traballar e dar o mellor de min, non vos preocupedes de min". Cristóbal asegurou que é unha persoa "que nunca se rende" e aí é onde radica a súa fortaleza.
