Dani Alves regresa ao Barcelona con 38 anos
Dani Alves regresa ao Barcelona con 38 anos
Primeiras e sorprendentes decisións de Xavi á fronte do Barcelona: Aos seus 38 anos, volve Dani Alves.
O brasileiro estaba sen equipo e quere seguir xogando. Así que asina ata o remate da presente temporada, aínda que non vai ser inscrito ata xaneiro.
Alves podería achegar sobre todo experiencia a un vestiario moi novo, e mesmo deportivamente podería cubrir unha posición nun equipo que só ten un lateral dereito puro: Dest.
O brasileiro amosábase preparado para afrontar o reto antes de facerse oficial a incorporación.
"Barcelona é a miña casa. Sempre estou preparado para todo", declarou.
A actualidade no Barça tamén pasa polo Kun Agüero. Vén dicir que segue as indicacions dos médicos do Barça, facendo probas e tratamento para ver a evolución no prazo de 90 días.
É que Catalunya Radio dixo que Agüero podería ter que se retirar do fútbol. O arxentino, sempre según El Matí da emisora catalá, tería unha doenza cardíaca que lle impediría seguir xogando. Agüero tamén estivo visitando os doutores da federación arxentina para coñecer a súa opinión, logo de ter que deixar o campo contra o alavés por sentirse mal.
Veremos en que queda o do Kun.
Ante los rumores les cuento que estoy siguiendo las indicaciones de los médicos del club, haciendo pruebas y tratamiento y ver mi evolución en el plazo de los 90 días. Siempre en positivo 🤟🏽
— Sergio Kun Aguero (@aguerosergiokun) November 12, 2021
