Deixa todo en Madrid para comprar unha aldea abandonada na Pontenova

Levaba décadas sen vida, tan só algunhas visitas vacacionais. Agora esta aldea de Vides, na Pontenova, rexorde grazas ao proxecto de Malou. Esta francesa de nacemento vendeu todo en Madrid e investiu máis de 200.000 euros na compra das 22 edificacións, entre elas, catro hórreos.

O primeiro paso vai ser rehabilitar dúas delas para o turismo rural. Un proxecto bautizado como Vides Vive en que colaboran tamén os seus fillos. Pouco a pouco irán rehabilitando as casas, que conservarán os nomes que no seu día lles deron os veciños.