Detido en Dumbría un prófugo de Ávila despois dun accidente cando ía borracho

Axentes de Corcubión foron alertados dun sinistro viario no quilómetro 82,400 da estrada AC-552 no termo municipal de Dumbría.

Trasladáronse ata o punto indicado, unha vez en lugar, ante os síntomas que presentaba o condutor do vehículo de atoparse baixo a influencia de bebidas alcohólicas, realizáronlle as pertinentes probas de alcoholemia, acadando nas dúas un valor de 0,61 ml/l en aire expirado.

Tras comprobar a documentación do condutor, constataron que ao mesmo constáballe unha requisitoria dun Xulgado de Ávila por causas penais.

A Garda Civil procedeu á detención desta persoa pola requisitoria xudicial e á súa investigación como suposto autor dun delito contra a seguridade viaria pola condución dun vehículo de motor atopándose baixo a influencia de bebidas alcohólicas.