Detido o presunto agresor do porteiro dun pub en Carballo
Detido o presunto agresor do porteiro dun pub en Carballo
A vítima foi acoitelada nunha perna despois de impedirlle o paso a un grupo que quería entrar no local
O presunto agresor enfróntase a unha acusación de delito de homicidio en grao de tentativa
Cuartel da Garda Civil de Carballo onde permanece o presunto autor da agresión
Un porteiro dun local de hostalaría de Carballo foi acoitelado nunha perna esta madrugada despois de negarlle o paso a un grupo de persoas que pretendía acceder ao pub.
O presunto agresor xa foi detido e está pendente de pasar a disposición xudicial por un delito de homicidio en grao de tentativa.
Arredor das tres da mañá catro homes intentaron entrar no local situado na rúa da Estrela. Cando o porteiro lles impediu o paso enfrontáronse a el.
A liorta quedou inicialmente resolta pero hora e media despois un dos agresores volveu, acoitelouno á altura da femoral, e causoulle unha hemorraxia importante. Despois de ser trasladado ao hospital confirmouse que as feridas non revestían gravidade.
