Dimiten os ministros de Saúde e Economía do Reino Unido
Dimiten os ministros de Saúde e Economía do Reino Unido
O ministro de Educación, Nadhim Zahawi, será o novo titular de Economía
O ata o de agora secretario de Estado do Gabinete, Steve Barclay, substituirá a Sajid Javid en Sanidade.
Os ministros británicos de Economía, Rishi Sunak, e Saúde, Sajid Javid, anunciaron este martes a súa dimisión ao perder a confianza no liderado do primeiro ministro, Boris Johnson.
A marcha destes dous pesos pesados do Executivo debilita a posición de Johnson, asediado por múltiples escándalos, e significa que, se se producen máis saídas, podería caer o Goberno.
Na súa carta de dimisión, Sunak di que quizais Economía sexa o seu último "emprego ministerial", pero para el é máis importante loitar por bos estándares de conduta.
"O público espera con razón que o Goberno leve a cabo de maneira adecuada, competente e seria", o que non sucede na actualidade, afirma o titular de Economía.
Sunak di que foi "leal" e apoiou en público ao líder conservador mesmo cando discrepaba del "en privado" e tentou apoiar con fondos económicos as prioridades de Johnson.
Con todo, segundo se desprende da carta, Johnson non estaba disposto a tomar "decisións difíciles" na economía e iso levounos a discrepar no seu enfoque, ata o punto de que o chamado chanceler do Exchequer optou por dimitir.
Javid afirma pola súa banda que non pode, "en conciencia, seguir servindo neste Goberno".
"Son unha persoa de equipo por instinto pero os cidadáns británicos esperan acertadamente que haxa integridade no Goberno", manifesta o ministro de Saúde.
O ministro de Saúde constata que os problemas que atravesa o Partido Conservador "non se resolverán baixo o liderado" de Johnson, polo que perdeu a confianza nel".
I have spoken to the Prime Minister to tender my resignation as Secretary of State for Health & Social Care.
— Sajid Javid (@sajidjavid) July 5, 2022
It has been an enormous privilege to serve in this role, but I regret that I can no longer continue in good conscience. pic.twitter.com/d5RBFGPqXp
Xa hai relevo para os ministros saíntes
O ata o de agora ministro de Educación, Nadhim Zahawi, será o novo ministro de Economía do Reino Unido, en substitución do dimitido Rishi Sunak.
O ata o de agora secretario de Estado do Gabinete, Steve Barclay, substituirá a Sajid Javid en Sanidade.
