Dous menores pintan de negro os santos da capela de San Roque, en Ponte Caldelas

Dous menores de idade confesaron ser os autores das pintadas no interior da capela de San Roque, en Ponte Caldelas.

Os autores empregaron spray negro para pintar as caras de varias imaxes relixiosas, o mantel do altar e incluso deixaron constancia dos seus nomes.

Horas despois de denunciar o asalto e os danos provocados ante a Garda Civil e publicamente nas redes sociais, os dous mozos menores confesaban a autoria dos feitos.