Ecuador da campaña en Cataluña: ERC e Junts descartan o goberno a tres que propón o PSC
Ecuador da campaña en Cataluña: ERC e Junts descartan o goberno a tres que propón o PSC
Puigdemont acusa os socialistas de "deshumanizalo" como político e como candidato
Aragonès di que só pactará con Illa se é para ser presidente e pactar un referendo
Salvador Illa segue favorito nas enquisas, pero empeza a ver que non terá fácil gobernar en Cataluña. Esquerra Republicana ábrese a entenderse co PSC, pero só se é para presidir a Generalitat e pactar un referendo.
"Señor Illa, vostede é igual que Arrimadas, e estará na oposición como estivo ela. Porque imos gañar os independentistas", di o candidato republicano, Pere Aragonès.
Illa asume tamén que con Junts non haberá pacto. Un día despois de tenderlle a man acusa a Puigdemont de bloqueo.
"Os vetos impiden un goberno, os vetos son bloqueo", asegura.
Puigdemont acusa os socialistas de facer o mesmo que agora critican e denuncia que o deshumanizaron como político e como candidato.
"Xa sabemos ata onde chegan as declaracións de intencións dos socialistas, e non as creemos máis", di o candidato de Junts.
No ecuador da campaña, o líder do PP, Alberto Núñez Feijóo estivo en Mataró arroupando o seu candidato. Pedro Sánchez volverá este sábado a Cataluña facer campaña con Salvador Illa.
