Edu Iglesias abandona o Dakar coas dúas clavículas rotas
Edu Iglesias abandona o Dakar coas dúas clavículas rotas
Problema do monfortino na etapa prólogo que volverá a Galicia nas próximas horas
Os irmáns Vallejo remataron con boas sensacións o primeiro contacto coa area
Malas novas para Edu Iglesias. O piloto monfortino conseguira rematar as tres edicións nas que participara no Dakar pero nesta cuarta tivo moi mala sorte e unha caída na etapa prólogo provocou o seu abandono.
Era unha etapa curta, de 13 quilómetros, pero a fatalidade quixo que Edu fose ao chan con tan mala sorte que rompeu as dúas clavículas. Agora agarda regresar a Galicia o antes posible.
Sergio Vallejo debutou cun 71º posto. O veterano piloto de Meira non quixo tomar riscos e irlle tomando pouco a pouco o pulso á proba de Arabia. Mellor lle foron as cousas a Sergio Vallejo, copiloto de Óscar Fuertes. Asinaron un 24º posto e mañá tentarán asentarse entre os vinte mellores do Dakar, obxectivo para esta edición.
