Empate de moito mérito do Racing Vilalbés en Langreo (0-0)

O Racing Vilalbés sumou un novo punto na pelexa por evitar o descenso. Acadouno no campo de Ganzábal, un dos máis complicados da categoría, e contra un equipo que está a pelexar por entrar na promoción de ascenso. 

O Langreo buscou o gol con insistencia, con Pablo Álvarez como principal argumento ofensivo, pero careceu de acerto cara á porta de Santomé. Os de Simón Lamas realizaron un bo traballo defensivo e faltoulles ameazar un pouco máis en ataque.