Empate do Mecalia Guardés, que poñerá en xogo a eliminatoria nas Canarias
Empate do Mecalia Guardés, que poñerá en xogo a eliminatoria nas Canarias
Na ida dos cuartos de final na loita polo título, o Guardés e o Rocasa empataron a 28 goles
O Mecalia Guardés sacou forzas logo do compromiso europeo da fin de semana e tamén se mantén con vida na loita polo título. Empatou 28-28 diante do Rocasa Gran Canaria na ida dos cuartos de final e xogarao todo no terreo das insulares.
O comezo (3-6) facía pensar nunha vitoria visitante que tentaba sacar proveito do esforzo galego. Reaccionou o Guardés, que se puxo por diante 8-7 grazas ao acerto de Sandra Santiago. O partido ía igualado ata un parcial de 1-5 no final do primeiro tempo que deixou ao descanso un 13-16 a prol do Rocasa.
Unha moi boa saída guardesa no segundo tempo permitiu igualar o encontro (18-18). A partir de aí sucedéronse as alternativas, pero un parcial de 0-3 volvía poñer as cousas moi favorables para o Rocasas (23-26), con moi pouco tempo por diante. O Guardés sacou a garra e conseguiu o empate definitivo.
