Remonta do Racing para vencer ao Huesca (2-1)
Remonta do Racing para vencer ao Huesca (2-1)
Os ferroláns conseguiron derrubar o muro dun Huesca que levaba once partidos sen perder
Minuto a minuto
Comeza o partido na Malata!
Xogada por banda de Héber que remata nun centro ao que ningúen chega!
Segue a afondar polas bandas o Rácing sen atopar rematador.
Falta lateral para o Huesca que é practicamente como un córner.
Saíu o Rácing pola esquerda e outro centro case atopa a testa de Álvaro no segundo pau!
Disparo de Nico Serrano tras unha boa xogada que acabou en córner!
Corta Héber un contraataque moi perigoso do Huesca tras un córner forzado outra vez por Nico Serrano.
Outro centro de Nico que atrapa o porteiro do Huesca! Polo de agora o Rácing leva a iniciativa co balón.
Falta sobre Héber cun Huesca que resiste pechado no seu campo.
Primeiro disparo do Huesca nun segundo balón que caeu na frontal do Rácing!
Centro que saca a defensa do Huesca cando xa se metía Álvaro!
Falta para o Huesca no lateral do campo do Rácing. Os visitantes buscan saír rápido mentres resisten o asedio do Rácing que non é quen de atopar o último pase.
Internada do Huesca pola dereita da área onde piden penalti os visitantes, nin o árbitro nin o VAR así o consideraron.
Dous córners consecutivos para o Huesca que rematan en falta a favor dos locais.
Pide penalti a Malata por un agarrón sobre Álvaro tras outro centro de Nico Serrano que hoxe está imparable.
0-1, adiántase o Huesca nunha xogada directa. Saque de porteiro onde tras dous toques previos cáelle o balón a Javi e define ante Cantero para poñer ao Huesca por diante no marcador.
O Huesca colle forza despois do gol e sae máis co balón. O Rácing xera agora algo menos ofensivamente e está a cometer máis erros individuais.
Tres de engadido na Malata!
DESCANSO NA MALATA! Adiantouse o Huesca cunha xogada practicamente illada que colleu ao Rácing descolocado. Os de Cristóbal probaron sorte con moitos centros laterais pero polo momento non foron quen de atopar un remate claro. Veremos que nos espera nesta segunda metade.
Saltan xa os equipos ao campo e o árbitro asubía o comezo da segunda metade!
Primeiro tiro do Rácing na segunda metade. Cesión de cara que remata nun golpeo de Álex dende a frontal que marcha alto. O Huesca parece que pecha agora con cinco atrás.
Internada de Cubero que non é quen de rematar Héber case na liña de meta. A máis clara do partido para o Rácing!
Tiro de Nico Serrano que bate na defensa e marcha a córner!
GOOOOOL DO RACING! GOL DE ÁLVARO GIMÉNEZ! Centro de Héber dende a esquerda que remata en carreira Álvaro para poñer o empate no partido.
Aumenta a intensidade no encontro. Agora tivo un córner o Huesca que non chegou a ningures e xa quería saír rapidamente o Rácing.
GOOOOOOOL DO RÁCING!!! GOOOOL DE NICO SERRANO!!! Menudo golpeo dende lonxe do rapaz que está sendo o mellor do partido. Colleu a pelota, fixo un amago de pase e co bote pegou un zapatazo coa perna esquerda imparable para o porteiro. Remonta o Rácing!
Tivo que ser unha xenialidade do xogador do partido a que lle dera a remontada ao Rácing. Parece que o Huesca quere saír. Cartón amarelo para Moi Delgado por unha falta no lateral esquerdo.
Tivemos cambios en ambos equipos.
Polo Rácing saíron Héber Pena e Álex López para dar entrada a Manzanara e Chuca.
Polo Huesca saíron Vallejo e Gerard Valentín e entraron Obeng e Lombardo.
Dez minutos para o final e o Rácing segue a manter o dominio do balón. O Huesca trata de crear perigo con transicións rápidas.
Último cambio do Huesca. Sae Hashimoto e entra Bolívar.
Tiro dende lonxe de Álvaro Giménez que non colle portería. Antes tivera unha clara o Huesca nun remate tras unha falta lateral.
Sae Nico Serrano, un dos xogadores do partido, e entra no seu lugar Álex Martín.
Agora é o Huesca quen propón e o Rácing o que trata de pechar. 3 minutos para o final do tempo regulamentario.
Últimos cambios do Rácing para resistir o asedio. Entran Merino e Brais M. e saen Iker Losada e Álvaro Giménez.
6 minutos de engadido na Malata!
Segue a resistir no Rácing metido practicamente na súa área. O Huesca busca o gol principalmente mediante centros laterais. Queda a metade do tempo engadido!
FINAAAAAAL DO PARTIDO NA MALATA!!! Vitoria do Rácing que remontou a un Huesca que levaba once xornadas consecutivas sen perder. Gran partido a nivel ofensivo onde houbo moito perigo polas bandas e o Rácing conseguiu aguantar o resultado ao final do partido. Destacar especialmente de Nico Serrano cun gol hoxe e múltiples accións ofensivas que crearon perigo na área rival.
Mediante esta vitoria o Rácing queda a un punto da promoción, marcada polo Oviedo, e empatado a 54 puntos co Elche. O vindeiro encontro será ante o Vilarreal B o sábado ás 16:15.
