Ensino e Baxi Ferrol dependen deles para entrar no 'playoff' polo título
Ensino e Baxi Ferrol dependen deles para entrar no 'playoff' polo título
O Celta terá que gañarlle ao Bembibre e agardar por outros resultados para manterse na categoría
Os tres equipos galegos da Liga Feminina de baloncesto terán moito en xogo na última xornada do campionato. Dous deles pelexarán por entrar no playoff polo título. O Durán Maquinaria Ensino depende de si mesmo para meterse entre os oito mellores. Malia a derrota contra o Zaragoza ocupa o oitavo posto e estará si gaña na pista do IDK Euskotren, rival directo polo playoff. Podería meterse cunha derrota pero precisaría que Gernika e Baxi Ferrol caesen nos seus partidos.
O Baxi Ferrol recibirá a Movistar Estudiantes sabendo que lle vale un triunfo para estar no Top8. Nos empates co Gernika, triplos empates con IDK e Ensino e cuádruplo empate con IDK, Ensino e Gernika sairía beneficiado.
Máis complicada é a situación do Celta Zorka Recalvi. Ten que gañarlle a Bembibre, equipo xa descendido, e agardar pola derrota dalgún dos seus rivais directos na loita pola salvación, o Barcelona ou o Gran Canaria.
