Este é un dos veráns con máis niños de velutina
Este é un dos veráns con máis niños de velutina
A eliminación dos niños debese deixar en mans expertas mediante unha chamada ao 012
Vivimos un verán dos de máis niños secundarios de velutinas. Isto é consecuencia das condicións atmosféricas favorables que esta especie invasora tivo durante a hibernación. Agra a clave está en eliminar estes niños.
Seguimos esa tarefa nun que se localizou en Coirós. Neste caso, a situación do niño permite atacalo con insecticida, introducíndoo polo furado do niño ata completar a operación coa retirada.
Lolo Andrade, técnico en control de pragas, di que "este verán está a ser dos que máis niños temos desde que chegou a velutina a Galicia".
Para frear esta invasora é determinante a prevención mediante a instalación de trampas no seu momento. Agora estamos no momento de atacar os niños para impedir que cheguen á fin de ciclo. De aí a importancia de comunicar a existencia dos mesmo ao 012.
Insisten en que a retirada dos niños de avéspora asiática debe facela persoal cualificado e lembran que o insecticida utilizado habitualmente como matamoscas non serve para exterminar este insecto.
