Expertos en enerxía debaten na Toxa sobre os desafíos da coxuntura actual

No foro Vínculo Atlántico que se celebra na illa da Toxa, a presidenta de Rede Eléctrica de España, Beatriz Corredor, dixo que a subministración está garantida. E tamén é optimista con respecto aos prezos. Cre que se van moderar a medio prazo.

Empresas coma Iberdrola coinciden neste diagnóstico, pero advirten dos riscos de facer cambios no mercado.

Carmen Becerril, presidenta do Operador do Mercado Ibérico da Enerxía (OMIE), vaticinou: "Volveremos ver uns prezos da enerxía eléctrica moderados, porque o mercado de gas ten capacidade de reacción".

Dende Iberdrola advirten das respostas: "Coidado co mercado que imos reforzar, que funciona. Hai que promover contratos a longo prazo, sobre todo para os máis vulnerables", dixo Mario Ruiz-Tagle, director executivo de Iberdrola España.