Falece José María Arias Mosquera, presidente da Fundación Barrié

O presidente da Fundación Barrié, José María Arias Mosquera, faleceu este luns en Madrid, segundo informou a propia fundación. José María foi tamén presidente do Banco Pastor entre 2001 e 2017;  vicepresidente de Banco Popular; presidente do Consello Social da Universidade de Santiago de Compostela e presidente de APD Noroeste entre 2015 e 2022.

Nun comunicado, desde a Fundación resaltan que "tivo constantemente como referente o fundador, Pedro Barrié de la Maza, e a dona Carmela Arias e Díaz de Rábago", que ostentou a presidencia.

"Como adoitaba dicir: el indicounos o camiño, ela explicounos como facelo realidade". "A Fundación, ante a perda irreparable só pode manifestar o seu agradecemento para quen se fixo merecedor da confianza posta nel pola anterior presidenta", engade a institución.

Por outra banda, reitera o seu compromiso "especialmente na mellora das condicións de vida e a reinserción social dos internos dos centros penais galegos". Con el "culmináronse proxectos de referencia internacional como a restauración do Pórtico da Gloria, modernizáronse os plans de bolsas, continuouse apoiando á brecha da investigación en Galicia e levaron a cabo proxectos de modernización do sector social".

Nacido en Santiago de Compostela en 1954, José Maria Arias Mosquera licenciouse en Dereito pola USC e PADE do Instituto de Estudos Superiores da Empresa (IESE), foi patrón electivo da Fundación Barrié desde 1982 e presidente executivo desde 2009.

José María Arias Mosquera era defensor da importancia da educación no progreso da sociedade, participando activamente en diversas asociacións e entidades. Foi, entre outros cargos, membro do Consello de patróns da Asociación Española de Fundacións, patrón de honra do Museo de Pontevedra, presidente de honra de APD Noroeste, así como vogal das Escolas Populares Gratuítas.