Falece o condutor dunha furgoneta ao ser alcanzada por un tren en Rábade
Falece o condutor dunha furgoneta ao ser alcanzada por un tren en Rábade
Ata o lugar acudiron os bombeiros de Vilalba para liberar o condutor
O condutor dunha furgoneta perdeu a vida este mediodía no municipio lucense de Rábade ao ser alcanzado o vehículo por un tren de mercadorías cando cruzaba por un paso a nivel, informan os servizos de emerxencias.
O accidente produciuse nun paso a nivel no que a vía férrea conflúe coa estrada autonómica LU-107 e o persoal da empresa pública Adif, xestora das infraestruturas ferroviarias, alertou do sinistro ás 12:25 horas.
O condutor do vehículo, de 50 anos, quedou atrapado no interior da furgoneta, mentres que no tren, que transportaba mercadorías, ninguén resultou ferido.
O persoal de Urxencias Sanitarias de Galicia-061 só puido confirmar o pasamento do condutor da furgoneta, mentres que a circulación da vía ferroviaria permanece cortada para asegurar a intervención dos servizos de emerxencias.
🔴 #AXEGAInforma dun condutor falecido ao ser alcanzada a súa furgoneta por un tren de mercadorías nun paso a nivel, en #Rábade.
— 112Galicia (@112Galicia) October 5, 2022
Nestes intres, os #SPEISVilalba proceden á súa excarceración. Tamén participan: sanitarios, @guardiacivil e servizos ferroviarios de @Adif_es. pic.twitter.com/hFKTUhTS11
